المواصفات العامة للتصميمات المعمارية والخاصة بدور البدروم

Apr 28 at 9:54 PM

المواصفات العامة للتصميمات المعمارية والخاصة بدور البدروم

1- انظمة الدفاع المدنى وتشمل الحريق وخزانات المياة ونظام توزيع الانذارات وطرق صرف وتغذية المياة،،،

حتكلم عن البند السابق فقط لان ماحدث يوم الثلاثاء كان نتيجة عدم وجود خبرات معمارية الا القليل من المهندسين بيقولوا عليهم اسعارهم غالية علشان كدة بنختار المهندس او المقاول الرخيص ودلوقتى بنستغيث وللاسف عدم دراية بعض الملاك بكيفية اختيار الافضل سبب كبير فيما حدث ،،، نرجع نتكلم عن احتياطات التصميم لازم نعرف اية استخدام البدروم ولو كان جراج يبقى لازم يكون فى انظمة حريق كويسة جدا وخرانات ارضية لتخزين المياة المستخدمة فى الحريق لاقدر الله ولو كان سكنى يبقى لازم نعمل تصميم الصرف والتغذية منفصل عن باقى الفيلا او العمارة ويكون فى بيارات صرف عليها 2 موتور بقدرات كبيرة حسب تصميم الصرف الصحى الموجود ويكون موتور شغال والتانى احتياطى لو عطل الاول ، كمان لازم يكون فى شنايش مطر قبل وبعد الرامب ويكون حجم الشنايش على حسب حجم المياة فى المساحة الموجودة ،، كمان فى حاجة اسمها صرف الطوارى يعنى لو فى سيول نعمل اية وكمية المياة كبيرة والبيارة الرئيسية ممتلئة؟؟ بنعمل حاجة اسمها صرف طوارىء بيكون فى مفتاح بيشغل 2 موتور مع بعض على خط تانى على الشارع مباشرة وبيكون جوة الرصيف ومش باين ودا ممكن نشوفة فى المولات الكبيرة ،، طبعا كل اللى بقولة دا لوالكهرباء قاطعة يبقى ملوش لزمة ، علشان كدة فى حاجة اسمها دائرة كهربائية للطوارىء بنعملها وبيكون عبارة عن مولد ديزل صغير قدرة 7 الى 10 حصان موجود على غرف السطح وبيكون فى نقطة واحدة لكل شقة للطوارىء وموصل علية مواتير الصرف فى البدروم ، دى مجرد بعض الاجراءات وفى تفاصيل اكتر واكتر ،،،،

تحياتى / اسلام الطنبولى                 

المهندس الاستشارى